समाचार

वीर अस्पतालले गर्यो २५ जना नर्स नियुक्ति, अख्तियारमा पर्‍यो उजुरी

महिना अगाडि


काठमाण्डौं। चिकित्सा विज्ञान राष्ट्रिय प्रतिष्ठान न्याम्स अन्तरगतको वीर अस्पतालमा नर्स अभाव भएको भन्दै नियम विपरित नर्सहरु नियुक्त गर्न लागिएको भन्दै वीरअस्पतालका स्वास्थ्य कर्मचारी संघले विरोध जनाएका छन् ।

अस्पतालका निर्देशक केदार सेन्चुरीले न्याम्सका केही पदाधिकारीसँग मिलेर गैर कानुनी रुपमा आफु निकट व्यक्तिलाई नियुक्त गर्न लागिएको पाइएको हो ।

अस्पतालका निर्देशक डा सेन्चुरीले आफु निकट व्यक्तिलाई चलखेल गरेर २५ जना नर्सलाई नियुक्त गर्न लागिएको भेटिएको हो ।

अस्पतालका निर्देशकले आफूनिकट व्यक्तिलाई नियमविपरीत भर्ती गर्न लागेको भन्दै वीरअस्पतालका स्वास्थ्य कर्मचारी संघले विरोध समेत गरेका छन् ।

अस्पतालको नियम विपरित नर्स भर्ती गर्न लागिएको भन्दै संघले अख्तियार दुरुपयोग अनुसन्धान आयोगमा अस्पतालका निर्देशक विरुद्ध उजुरी समेत दिएको स्रोतले बतायो ।

वीर अस्पताल न्याम्सद्धारा सञ्चालित अस्पताल हो । वीर अस्पतालमा करार सेवामा कर्मचारी नियुक्त गर्दा सेवा आयोगका पदाधिकारीले सुचना प्रकाशित गरेर कर्मचारी आवश्यकता सम्बन्धि खुल्ला विज्ञापन प्रकाशित गरेर मात्रै कर्मचारी तथा चिकित्सक नियुक्ती गर्न पाउँछ । तर वीर अस्पतालको सेवा आयोग ६ महिनाअघिदेखि पदाधिकारी विहीन छ ।

सेवा आयोगमा पदाधिकारी नहुँदा अस्पतालको सेवा प्रवाहमा समस्या आउने गरी कर्मचारी अभाव भएमा न्याम्सका उपकुलपतिको निर्देशन अनुसार वीर अस्पतालले कर्मचारी नियुक्त गर्न पाउँछ । त्यसका लागि पनि वीर अस्पतालले सुचना भने प्रकाशित गर्नैपर्ने हुन्छ । तर वीर अस्पतालका निर्देशक सेञ्चुरीले केही पदाधिकारीसँग मिलेर अस्पतालमा नर्स अभाव भएको भन्दै नियम विपरित आफु निकट व्यक्तिलाई भर्ती गर्न लागेको पाइएको हो ।

‘वीर अस्पतालमा नर्स अभाव भएको कुरा सत्य हो, तर करारमा कर्मचारी नियुक्ति गर्दा प्रक्रिया पुराउनुपर्छ’ कर्मचारी संघ निकट स्रोतले भन्यो, ‘तर अस्पतालका निर्देशकले बुधबार नै आफु निकट २५ जना नर्सहरुलाई नियुक्ति दिन लाग्यो ।’

न्याम्स अन्तर्गतको वीर अस्पताल र ट्रमा सेन्टरमा यसअघि पनि अस्पताल प्रमूखहरुले नियम विपरीत कर्मचारी नियुक्त गर्ने गरेको महालेखा परीक्षकको कार्यालयले सार्वजनिक गरेको प्रतिवेदनले पनि देखाउंछ ।

अस्पतालमा आफु निकट व्यक्ति भर्ना गर्ने प्रवृति रहेकाले संघीय मामिला तथा सामान्य प्रशासन मन्त्रालय र स्वास्थ्य तथा जनसंख्या मन्त्रालयले केही समय अघिमात्रै वीर अस्पताललाई करार तथा ज्यालादारीमा कर्मचारी नियुक्ति गर्दा अस्पतालको नियम अनुसार प्रक्रिया पुर्‍याएर मात्रै गर्न निर्देशन दिएको थियो ।

Comments

comments

प्रबन्धक

सम्पर्क

Gmail : hsarokar@gmail.com


Health Sarokar Tv

CopyRight @ 2019 Health Sarokar. All Right Reserved.