समाचार

क्यान्सरका लागि मदिरा वा धुम्रपान कुन बढी हानिकारक ?

एजेन्सी– एक हप्तामा ७५० मिलीलिटर मदिरा सेवनबाट क्यान्सरको खतरा जति हुन्छ, त्यति नै खतरा एक हप्तामा दश सिगरेट पिउने महिला र पाँच सिगरेट पिउने पुरुषमा हुने गर्छ । बेलायतमा हालै क्यान्सरका लागि मदिरा वा चुराेट कुन बढी हानिकारक हुन्छ भनेर एक अध्ययन गरिएकाे थियाे ।


बेलायतका अध्ययनकर्ताहरु याे अध्ययन कम पिउने मानिसलाई स्वास्थ्यप्रति जागरुक गराउने तरिका हो भन्छन् । अनुसन्धानकर्ताले क्यान्सर रिसर्च युकेको क्यान्सरको खतरामा आधारित डेटाको प्रयोग गरेका थिए ।

अधिकांश मदिरा पिउने मानिसलाई मदिराको तुलनामा सिगरेट पिउनु धेरै खतरनाक हुन सक्छ, यसले उनीहरुमा क्यान्सर हुने जोखिम बढाउने विशेषज्ञहरु  बताउँछन् ।

एक हप्तामा १४ युनिटभन्दा बढी मदिरा नपिउन विशेषज्ञहरु  सल्लाह दिन्छन् । यो बियरको ६ पाइन्ट र ६ ग्लास वाइन बराबर हुन्छ ।

यदि स्वास्थ्य प्रतिकुल अवस्थामा छ भने अल्कोहलको कुनै पनि मात्रा शरीरका लागि उपयुक्त हुँदैन । अध्ययनका अनुसार थोरै पिउने व्यक्ति पनि क्यान्सरको खतराबाट बाहिर रहँदैनन् ।

बिएमसी पब्लिक हेल्थको लेखमा अनुसन्धानकर्ताले भनेका छन् ‘चुरोट नपिउने एक हजार पुरुष र एक हजार महिला हप्तामा एक बोतल मदिरा पिउँछन् भने उनीहरुमध्ये १० पुरुष र १४ महिलामा क्यान्सर हुने खतरा धेरै हुन्छ ।’

मदिराले महिलामा स्तन र पुरुषमा पेट, कलेजो क्यान्सरको जोखिम बढाउँछ ।  नटिंगह्याम युनिभर्सिटीका प्रोफेसर जन ब्रिटन भन्छन् ‘मानिसहरुको खतराको तुलना गरेर मदिरा र चुरोट रोज्छन जस्तो मलाई लाग्दैन ।’ब्रिटेन युके सेन्टर फर टोबाको एन्ड अल्कोहल स्टडिजका निर्देशक हुन् ।

उनि भन्छन् ‘यो अध्ययनले मदिराको तुलनामा चुरोट पिउनु बढी खतरनाक रहेको देखाउँछ । यस्तो जोखिमबाट बच्न चुरोट पिउन छोड्नुबाहेक अरु कुनै विकल्प छैन् ।’

प्रोफेसर ब्रिटन मदिरा सेवन गर्नेहरुले १४ युनिटभन्दा बढी पिउन नहुने बताउँछन् । यो अध्ययनले मानिसको सोचमा परिवर्तन आउने उनी विश्वास गर्छन् । 

Comments

comments

प्रबन्धक

सम्पर्क

Gmail : hsarokar@gmail.com
मध्य-बानेश्वर

Health Sarokar Tv

CopyRight @ 2020 Health Sarokar. All Right Reserved.