समाचार

बलिउड अभिनेत्री प्रियंका चोपडाको फिट्नेसको राज

काठमाडौं। बलिउड अभिनेत्री प्रियंका चोपडाले आजसम्म आफ्नो चमक र फिट्नेस कायम राख्नुको पछाडि उनका धेरै प्रयास एवं मेहनत रहेका छन् । अभिनेत्री प्रियंका चोपडा आफ्नो सौन्दर्यलाई मात्र नभई फिटनेसलाई पनि विशेष ध्यान दिन्छिन्। प्रियंकाको चार्म र फिटनेसको चर्चा बलिउडदेखि हलिउडसम्म चल्ने गर्छ।

उनी एक बिबाहित जीवनमा बाधिएपनि उत्तिकै आर्कषक तथा फिट रहनुमा उनको वर्कआउट र डाइट प्लान मुख्य कारण हो । प्रियंकाले आफ्नो फिल्मी करियरमा जहिले पनि आफ्नो स्वास्थ्यलाई प्राथमिकतामा राख्छिन्।
हालै एक अन्तर्वार्तामा प्रिंयकाले आफू फिट रहनको लागि कस्तो डाइट योजना बनाउँछु भन्ने कुरा बताइन्।

एक अन्तर्वार्ताको क्रममा प्रियंकाले आफू खानाको ज्यादै सौखिन भएको बताइन्। उनी सधैं ब्रेकफास्टमा लच्नको कुरा गर्छिन् र लन्चमा डिनरको मेन्युबारे कुरा गर्छिन्।

जब प्रियंका नयाँ देशमा जान्छिन् तब सबैभन्दा पहिले उनी मन परेको खाना खाने राम्रो रेस्टुरेन्टमा जान्छिन्। यसको प्रभाव धेरै पटक उनको शरीरमा देखा परेको छ।

विशेषगरी दिवाली र क्रिसमसको बेलामा आफ्नो तौल बढ्ने प्रियंकाले बताइन्। यसपछि जनवरी, फेब्रेवरी र मार्चसम्म उनी आफ्नो वजन कम गराउनमा खर्चिन्छिन्।

प्रियंकाले आफू फिट रहनको लागि हप्तामा कम्तिमा ३ दिन बिहान उठेर वर्कआउटको प्रयास गर्ने र कहिल्यै स्पिकिङ र कार्डियो गर्न नभुल्ने बताइन्।

प्रियंका बिहान ब्रेकफास्टमा अण्डा र टोस्टको साथ अमलेट वा एवोकाडो लिन्छिन्। उनी इण्डियामा रहँदा सबैभन्दा धेरै पराठा खान्छिन्।

उनले आफूलाई घरको खाना धेरै मन पर्ने बताउँछिन्। जब उनी इण्डियामा हुन्छिन् तब लन्चमा घरकै खाना खाने प्रयास गर्छिन्। किनकि अमेरिकामा उनलाई घरको खाना मिल्छ तर त्यो सधैं डब्बामा मात्र आउँछ। जुन ताजा हुँदैन।

प्रियंकाले बताएअनुसार उनलाई साउथ इण्डियन खाना धेरै मनपर्छ। डोसा, फिस करी, दही राइस। यसका साथै उनी पानी पनि धेरै पिउने गर्छिन्।

प्रियंका आजकाल नाचनी रोटी ९चामल र गहुँबाट बनाइएको० खाइरहेकी छन्। किनकि यो निकै स्वस्थवर्द्धक र रुचीकर पनि छ।यसका साथ उनी भिंडी, दाल, आलू गोभी लगायतका सब्जी खान्छिन्। खानाको साथ प्रियंका सधैं दही, सलाद र अचार नछुटाइ खान्छिन्। डिनरमा प्रियंका सुरुवातमा सधैं सुप पिउँछिन्।

Comments

comments

प्रबन्धक

सम्पर्क

Gmail : hsarokar@gmail.com
मध्य-बानेश्वर

Health Sarokar Tv

CopyRight @ 2020 Health Sarokar. All Right Reserved.