समाचार

क्यान्सरपीडितलाई आर्थिंक सहयोग

उदयपुर । उदयपुर जिल्लाको त्रियुगा नगपालिका – ६ घनचक्रेका रक्तक्यान्सरपीडित राजन कार्कीलाई जिल्लाकै रौतामाई गाउँपालिका–२ का वडाध्यक्ष खवीन्द्र रासकोटीले उपचारको लागि रु एक लाख ८१ आर्थिक सहयोग गरेका छन् ।

जग्गासमेत नभएर ऐलानी जग्गामा बस्दै आएका आर्थिक विपन्नता भएका ४४ वर्षीय कार्कीलाई रक्तक्यान्सर भएपछि उपचारको लागि रु दश लाखसम्म खर्च लाग्ने सुनसरीको धरानस्थित बिपी मेमोरियल अस्पतालका चिकित्सक तथा प्रतिनिधिले बताएपछि कार्की र कार्कीका आफन्तहरुले उपचारको लागि खर्च जुटाउन थालेको कार्कीले बताए ।

यसै क्रममा रौतामाई गाउँपालिका– २ का वडाध्यक्ष रासकोटीले आफ्नो तर्फबाट कार्कीको उपचारको लागि रु एक लाख ८१ सहयोग गरेको क्यान्सरपीडित कार्कीले बताउनुभयो । अध्यक्ष रासकोटीकाअनुसार कोही पनि गरिबीको कारण उपचारको अभावमा मर्न नपरोस् भनेर आफूले आफ्नो तर्फबाट केही आर्थिक सहयोग सङ्कलन गरेर राजन कार्कीको उपचारका लागि सहयोग गरेको बताए ।

सबै धनी गरीब जो सुकै भए पनि मिलेर बाँच्नुपर्छ र एकले अर्कालाई बचाउनु आपतविपत पर्दा सहयोग गर्नु हामी नेपालीको संस्कार भएको कारण आफूले पनि कार्कीको उपचारको लागि सानो रकम सहयोग गरेको अध्यक्ष रासकोटीको भनाइ छ ।

केही दिनभित्रै कार्कीको सुनसरीस्थित बिपी मेमोरियल अस्पतालमा उपचारको तयारी भइरहेको कार्कीले बताए ।

Comments

comments

प्रबन्धक

सम्पर्क

Gmail : hsarokar@gmail.com


Health Sarokar Tv

CopyRight @ 2019 Health Sarokar. All Right Reserved.